Gustosamente nos ta invitá bo na apertura ofisial di Parke Palma di Sabal Boneiru djaweps 21 di mei 2026 di 16:00 pa 18:00.

E evento akí ta marka un logro importante den protekshon di Sabal lougheediana, e palma di sabal endémiko di Boneiru. Durante apertura, nos ta repasá brevemente e proyekto i ta habri e parke ofisialmente.

E enkuentro akí ta nos manera tambe pa gradisí tur nos sosionan i sostenedónan ku a kontribuí na éksito di e proyekto akí.

Pa mas tardá 15 di mei 2026, nos ta spera di tende ku bo lo ta presente. Bo por reakshoná riba e e-mail akí òf meil info@bonberde.com.